Ekim hi guonsa ana hi ( Chu mun a chun nuom in choldo tan)

Peter Biaksangzuala

Internet hung um doh hin leiset jong khosung neo cha ahi tin thuchih khat in asei in. Adieh a facebook a kuon a kijah mat tuo na hi anop lheh ta in. Egel khah lou pi khat to jong ana ki jamat to thei in. A etih a emu khah lou khat toh jong aki musa tobang jieng a ki hou thei na mun hoitah khat chu ahin. kipa na tamtah ahin poh lut jing toh lhon gelphah lou lunghem na jong ahin lhut jing thei dan ahie.

June 7 2014 , nilhah lang thim ahin inmai a ka tou in facebook lut khah lou na asot thim tah jieh chun ka gah lut in ahile message tam thim ana um in, network a ol jieh chun a bon a jong ve se lou in hiti chun notification ho chu ka clear in newsfeed ho chu a ban ban in ka ve in insung a ka lut pei tai.
Suty kichai vah ding ahijieh chun lunghel tah in Facebook jong khoiman lou in ka von ho ka guong in kaki sa buoi cheng e. 9th June ni in ka  suty akichai a college ka le lhun in Facebook message ho ka vel check le PT Biakzuala kiti khat in message ei na thot in, sot thim a pat kana ki friend hon dan ana hitae. English a ahin text jieh chun ken jong Lushei pao thucheng 2 toh english pao in ka reply e. Mizo ho hi a pao uh etho le mi  a ngailut dieh set u ham ka he pon. Ama jong kipah mel pu le kilom tah in Sappao ma in ei hin donbut in chi nilhah chu chomkhat kaki text hon in ahi,
Sot thim (Hapta2/3) chu ki text lou in ka um hon in. Ahin ka updates ho jouse chu a like masa pen in apang jing in ahi. Ama hi lim jong tam koi beh lou ahijeh chun like di a vaang lheh in.

 Hapta 2 jouvel hidin ei hin text kit in kaki jan text kit hon in ahi. Hiti chun kaki hou ni lhon le sot pi kaki hou ji hon in kaki hou lou phat u jong le ei hin text leh tin ka na ngah lhi jing in. Mi hou pi dan athiem in, boring lou beh in sot tah tah pi chu kaki hou thei hon in ahi.
Nilhah khat kaki hou na lhon a "kahin text masat nipen chu na het nah lai am" ti in ei hi dong in
"ka gel doh ta poi" ka ti le
"7 june ahe" ahin tin.
 ken jong gel thupi beh seh lou in, "Ipi ti ham? nungah ho toh na kikhen ni ham? ka ti le  "nungah ahipoi nupi ahe" ahin ti in,
 kei jong lungdong thim tah in "huh?" tia ka reply le ka nu death anniversary ahin; kum 7/8 lang alhin tah vang in chini le hin ka nu ka ha ngai deh set in chapang bang in ka mitlhi aluong ji e  ahin tin, ken jong "sorry" ka ti in, Aban jong um be ta lou in, a lunghel dan thu ho asei in, A u toh apa toh anao toh aum dan uh asei in, Insung thu ahin sei jieng chu kidang kasah in ken jong sei di ka het lou man in ka lhamuon in thudang ho kasei in ahile, ka lung amuong e nang toh kihou anop e ei tin. kipa e t dan chun smiley :) ka thot in ahi. 

Lhakhat vel ki hou lou in ka um kit hon in September ahitan, nilhah khat ei hin hou in
"football na vet ji am,na lung lut am"? ei tin, ken jong
"gollhang melhoi a um le bou ka vet nuom e" ka ti le
"Mizoram a hung le chun gollhang melhoi ngen aki chem ji e" atin.
 "Nang na ki chep ji lou ham" ka ti le.
"Mizoram a ki chem lah a chun ka jao" e ahin tin.
 "khuti le melhoi lah a nang jong na jao dan chuo na" tia ka reply le
 "kei sang a hoi jo jong tampi aum e" atin.

Chuin practice ka che ding ahe atin ache doh pei kit tai .

October 1 lim khat ka upload in( Brazil Jersey ka ah na lim) ahile
"Brazil ho na pan pi ham" ei hin tin.
"henge" ka ti le
" kei CR7 khu ka favourite ahe" atin,
ka deilhen lou dan ho kasei in Neymer jieh a Brazil kapan pi ahe ka ti le.
"Kei jieh a ka team ho na panpi di hinam" ei tin .
" Na kichep u ka vet phat phat le nang ho lang bou ka panpi di he" ka ti.
aban kaki hou hou hon le  Guwahati a date 28 leh a kichep diu thu ahin sei in , Hung ve o tin a tot in.  ka suty laitah uh ahi kahin gel doh in, "ka vet man le ka hung vet ding ahi" ka ti le.
"Mizoram a pat epi kahin puoh pieh ding ham?"
Nang in pha'n te na ti ti khat hin po o. ( :D toh ka thot thae) . thildang tampi kasei be hon in
 Aban chun jan a sottah jieh chun mangpha kaki thot hon in ka nga doh kit hon tai. 

October 9 lah vel a pat chun facebook ka hon jong le news-feed ham group notification ho ka check in message ho chu exam ka nei jieh u chun ka reply man ji pon, chukikah a chun 2 vei ei hin text in, gah reply jieng leng sottah phat lut di ahijeh chun ken jong exam jou le ol in ki hou nan te tin ka reply ta hih in ahi. 

Exam lai hijong le facebook ka lut ji in ahile 14 October 2014 ni a Mizoram premier league a player ho khat a ki le chop na a a ngong gu ki pil t thu ka ja in koi ahijong ka hetlou vang chun kana lai nat pi lheh in ahi. News-feed chu "pray for peter" ti adim jieng in. kei chun taona geldoh ding jong kana gel kha pon, tu hi ka gel le ana tao leng adam doh dem tin jong kagel jing ahin lah a che phat ahijeh ahidem tin jong ka gel ji e. 

October 26 ni in Guwahati ka lhun in ken jong fb a ka reply in Guwahati a ka um dan ho kasei in ahile ahin reply pon . Ni 2 jou a ATSUM hon Manipur pumpi a ban diu ahe ati jieh u chun epi hile tin kaki pat doh tai. Vangsiet na lut chun Karbi-anglong a ban kit jieh chun lampi a bus chunga chun ka gieh khovah kit un ahi. Ajing jan pung 10 vel in inn ka lhung in . ka suty chu 17 november chan ahin, Inn a Facebook jong ka khoi man pon. Football peh na jouse a chun ei ki kou dan in ka ga ve jing in ahi.
November 17 chun college a kile din ka kiguong kit tai. vangset kit na lut chun ka flight ka miss kit in ahi. Hitichun ka loi ho toh train in kaki le un date 22 in campus ka lhung tan ahi.
 ka loipa Peter (khonunga amintah kahin het ) chu ahin reply lou jieh chun ken jong "Hi " tin ka text in a lim ho a ban ban a ka ven ahi le "Rest In Peace" kiti ho chu ka gah mu sou sou chun sei di helou khop mai in ka pona in, kamit lhi aluong in avel vel in alim ho chu ka ven news a lim ho toh chun akilou mong mong pon. Facebook a alim ho a hin asam asao in ahoi jep pon news ho a chu amel achuom beh jieh a chu kana het doh lou ahi. Amin jong ka gel tuoh le Peter Biaksangzuala ahi ding chu kahin he doh in Guwahati a ana ngah leng ka nga thon di dan ho chu ka gel in, Mihem hinkhuo sei thei lou ahi dan ho chu ka gel. ATSUM te bandh chu um hih le ka nga khiel ding ahin. Tuhin a video ho 3 leh 4 youtube a aum in a hing a kaki nai sa pi khat thi dan in ka koi in thuoh hah kasa in Koi koma sei di ham ti jong um thei lou khop in ka room sung a chun alim ho ka mu a kaki hou na hou chu ka vet tieng le ka mitlhi ahung pot ji in. A lim ho chu ka thah vet kit ji in ahi. A unu in la asiem khum khat ka ngai in ahile "Boi, Henu in nan lamdot ding num tah a na um hon di he" ti thucheng in ala choi in. ka ngai ji in. Alaa ho in ei la khah lheh in bol thei ka nei lou a sei na d ka het lou vang chun Peter Biaksangzaula thi chun kei chun a toh khah lheh dan ahi.

Na hinkho hi lekha bu ahin, Nahinkho a mi na ki to pi khah ho in peh khat a luo dim uh ahi akitin. peter Biaksangzuala in ka hinkho a pehkhat chu ana luodim dan ahitai.

Rest In Peace. Peter.

PT Biakzuala Pa koma nuom in chol do tan .

(NB:  Atah ahile ahilou asim ho thu2 ahe)